Hindi lang isa kundi tatlong munisipyo ang nagsagawa ng MCO Assemblies para sa apat na officers nito kada barangay. Ang pinakaunang pagpupulong ay nangyari noong ika-12 ng Disyembre 2022 sa Kokok ni Korab sa Isulan. Dumalo rin sa nasabing Assembly ang SUKELCO Director para sa Isulan na si Dir. Joel D. Durana. Si Dir. Rene B. Apolinario naman ng Bagumbayan/Sen. Ninoy Aquino District ay siyang naging representative ng SUKELCO Board President na si Dir. David L. Batayola. Maliban sa ISD staff ay pumunta rin ang SUKELCO Area II sa pamumuno ng kanilang Department Manager na si Wilfredo M. Evangelista, PhD.
Pagkatapos ng isang araw ay ginanap rin ang Pres. Quirino MCO Assembly sa The Promise Resort, Mangelen, Pres. Quirino. Nagpahayag rin ng kanyang mensahe sa MCOs ang direktor mula sa Lambayong District na si Dir. Mario O. Dumaguing. Sinagot rin ni Area I Manager Engr. Edgar M. Gatmaitan ang ilang katanungan mula sa Pres. Quirino MCOs.
At ang huling pagpupulong ay nangyari kahapon lamang, ika-19 ng Disyembre, 2022 sa Gaas Hot and Cold Spring Resort, Margues, Esperanza. Hindi man nakarating ay nagpahayag ng suporta at mensahe ng pasasalamat ang SUKELCO General Manager Claudia A. Pondales at BOD President Dir. Batayola sa mga MCOs sa Esperanza na patuloy na nakikilahok sa mga gawain para sa tuluy-tuloy na MCO empowerment.
Sa kabuuan ay naging matagumpay at makabuluhan ang naging pagtitipon ng mga MCOs sa Isulan, Pres. Quirino at Esperanza dahil hindi lamang SUKELCO concerns ang napag-usapan ngunit naging daan rin ito para sa isang Yuletide celebration para sa Christmas season.
